घुम्नै पर्ने प्युठानमा बोलको पञ्चेबाजा म्युजिक भिडियो बिहिबार सार्वजनिक भएको छ । प्युठानका विभिन्न बस्तीका साथै पर्यटकीय क्षेत्र समेटिएको पञ्चेबाजा गीत प्युठानकै विभिन्न भु-भागमा छायांकन गरिए पनि मुख्य भाग नौबहिनी गाउँपालिका १ स्याउलिबाङको ठुलोगाउँमा छायांकन गरिएको छ ।
विशेष गरि गृह जिल्ला प्युठान र प्युठानका मुख्य पर्यटकीय भु-भागहरुलाई गीत मार्फत प्रचारप्रसार गर्ने उद्देश्यले निर्माण गरिएको म्युजिक भिडियोले पर्यटकीय गन्तव्यको दृष्टि बन्ने अपेक्षा लिएको गीतका सर्जक तथा गायक दिपु मगरले बताउनुभयो । यो सङ्गै जिल्लालाई चिनाउने लगनको महिना समेत भएकाले अगामी विवाहहरुमा यो गीत बज्ने विश्वास लिएको उहाले बताउनुभयो ।
शान्ति श्री परियार, दिपु मगर र पुर्ण बुढा मगरको आवाजमा रहेको गीतको भिडियोमा शुवास के. सी., सोनिया पुन मगर, दिपु मगर, रिनु नेपाली, पुर्ण बुढा मगर र निरुता बुढा मगरलाई मुख्य भुमिकामा देख्न सकिन्छ । गीतमा नौबहिनी गाउँपालिकाका अध्यक्ष दिल बहादुर थापा, प्रमुख प्रशासकीय अधिकृत शिवराज पौडेल, १ नं. वडा अध्यक्ष घन बहादुर बुढा मगर स्याउलिबाङका स्थानीय आमा बुबा लगायतका अन्य युवाहरुलाई छमछमी नाचेको देखिन्छ भने स्याउलिबाङका पञ्चेबाजा समूह पनि मुख्य रुपमै देखिन्छ ।
दिपु मगरले निर्माण गरेको यस गितको लय राम प्रसाद पौडेल, म्युजिक एरेन्ज डोलराज बह्रघरे मगर र निर्देशन भने प्रेम गुरुङले गर्नुभएको थियो । उक्त गीत Dipu Magar अफिसियल यु-त्युब च्यानलमा गएर हेर्न सकिन्छ ।
भिडियो Link : ️
प्रतिक्रिया
सम्बन्धित खवर
